په یوه ورځ کې طالبانو په څلورو ولایتونو کې ۱۵ تنه دورې وهلي دي.

د طالبانو د سترې محکمې د راپور له مخې، د تعزیرې جزاګانو د تطبیق په لړ کې، په څلورو ولایتونو کې ۱۵ تنه، چې څو ښځې هم پکې شاملې دي، د دورې سزا ته محکوم شوي، او دا سزاوې د خلکو په وړاندې یا د محکمو په ساحه کې عملي شوې دي.په پروان ولایت کې، د طالبانو د سالنګ او جبل‌السراج ابتدائیه محکمو شپږ تنه د زنا او وژنې په تور د بند او ۳۹ دورو سزا ته محکوم کړي دي.په فاریاب ولایت کې، دوو تنو ته د کور پرېښودو او له نکاح پرته اړیکو له امله ۳۹ – ۳۹ دورې وهل شوي دي.په کابل کې، د طالبانو د نشه‌يي توکو ضد ابتدائیه محکمه شپږ تنه د نشه‌يي توکو د پلور په تور د ۱۰ دوررو او څو میاشتو بند سزا ته محکوم کړي دي.همداراز، د میدان وردګ ولایت د چک ولسوالۍ محکمې یو تن د «لواطت» په تور د خلکو په وړاندې ۳۹ دورې وهلی دی.په دې توګه، په یوه ورځ کې پر ۱۵ کسانو ټولې ۴۱۱ دورې په څلورو ولایتونو کې عملي شوي دي.د بشري حقونو نهادونو بیا بیا پر طالبانو غږ کړی چې د بدني سزاوو تطبیق بند کړي، ځکه دا کار د افغانستان د نړیوالو ژمنو خلاف ګڼل کېږي.