طالبان: زلاله هاشمي خپله خوښه کور پرېښی دی

د طالبانو د کابل د امنیې قوماندانۍ ویاند خالد ځدران وايي، د دوی لومړنۍ څېړنې ښيي چې زلاله هاشمي، افغان هنرمنده، په “داوطلبانه” ډول خپل کور پرېښی او د تښتونې یا زور کارونې هېڅ نښه نه ده موندل شوې.خالد ځدران د جمعې په ورځ، د غبرګولي ۳۰مه، رسنیو ته وویل چې د طالبانو د پولیسو لومړنۍ پلټنې د شته شواهدو پر بنسټ څرګندوي چې زلاله “خپله خوښه” له کور څخه وتلې او تر دې دمه د زور یا اختطاف کومه نښه نه ده ترلاسه شوې.د ده په وینا، څېړنې لا هم روانې دي او که اړتیا پېښه شي، نور جزیات به له رسنیو سره شریک شي.دا په داسې حال کې ده چې د زلاله هاشمي خپلوان ادعا کوي، شاوخوا دوه اوونۍ وړاندې نوموړې د ناڅرګندو کسانو له لوري په کابل کې تښتول شوې او تر اوسه یې د برخلیک په اړه هېڅ معلومات نشته.