د باختر آژانس: له ګاونډیو هېوادونو څخه ۱۲۴۷ افغانې کډوالې کورنۍ افغانستان ته راستانه شوې

د طالبانو تر ادارې لاندې باختر خبري آژانس راپور ورکړی چې یوازې د یوې ورځې په اوږدو کې، ۱۲۴۷ افغانې کډوالې کورنۍ له ایران او پاکستان څخه افغانستان ته راستانه شوې دي.د راپور له مخې، دغه کورنۍ د جمعې په ورځ، د غبرګولي ۳۰مه، د هېواد له بېلابېلو سرحدي دروازو څخه بېرته داخلې شوې:۸۱۵ کورنۍ د اسلام‌قلعه (هرات) له لارې،۲۳۱ کورنۍ د پُل‌ابریشم (نیمروز) له لارې،۱۰۵ کورنۍ د تورخم (ننګرهار) له لارې،۷۹ کورنۍ د سپین بولډک (کندهار) له لارې،۱۱ کورنۍ د بهرامچه (هلمند) له لارې،۶ کورنۍ د انګور اډې (پکتیکا) له لارې.د یادونې وړ ده چې په وروستیو میاشتو او کلونو کې له ایران او پاکستان څخه د افغان کډوالو د بېرته راستنولو او ایستلو لړۍ چټکه شوې ده. کوربه هېوادونه د قانوني اسنادو نشت، داخلي فشارونو او د کډوالو پالیسیو بدلون ته په کتو، زرګونه افغان کډوال بېرته خپلو هېواد ته استولي دي.