په نړۍ کې د ښځو کمه ونډه په سیاسي مشرتابه کې؛ یوازې ۲۵ هېوادونه د ښځو تر رهبرۍ لاندې دي

ملګرو ملتونو د «سیاسي ښځینه مشران – ۲۰۲۵» تر سرلیک لاندې یو نوی پوستر خپور کړی، چې په کې یې د ښځو ونډه په لوړو سیاسي دندو کې ارزولې او خبرداری یې ورکړی چې د جنسیتي برابري موخه لا هم نارسېدلی پاتې دی.په دغه پوستر کې، چې د ملګرو ملتونو د ښځو ادارې د «حکومت‌دارۍ او ګډون» څانګې له لوري چمتو شوی، راغلي چې تر ۲۰۲۵ کال د جنورۍ تر لومړۍ نېټې، یوازې ۲۵ هېوادونه د ښځینه مشرانو تر اداره لاندې دي.د نړیوالو شمېرو له مخې، ښځې یوازې ۲۲.۹ سلنه د کابینې وزیران جوړوي، چې دا کچه د ۲۰۲۴ کال په پرتله ۰.۴ سلنه کمه شوې ده.دغه راپور ښيي، چې ښځې زیاتره د کورنۍ، ماشومانو، ټولنیز هوساینې او جنسیتي برابري په وزارتونو کې ټاکل کېږي، خو کلیدي وزارتونه لکه د دفاع، ماليې او بهرنیو چارو، تر ډېره د نارینه‌وو په واک کې دي؛ هماغه برخې چې ملي پالیسۍ او نړیوال لومړیتوبونه ټاکي.دا شمېرې یو ځل بیا د سیاست په نړیوال ډګر کې د جوړښتي نابرابرۍ ښکارندويي کوي؛ هلته چې سره له کلونو هڅو، لا هم ښځې لوړو پرېکړه‌ جوړښت دندو ته کمه لاس‌رسی لري.د ۲۰۲۵ کال دا پوستر، د ملګرو ملتونو د هغو هڅو یوه برخه ده چې د سیاسي واک په ډګر کې د جنسیتي نابرابرۍ په اړه خلکو ته پوهاوی ورکړي. دا پوستر له نورو سرچینو لکه «د سیاست په ډګر کې د ښځو کړنلاره – ۲۰۲۵» سره یو ځای، د اوسني وضعیت کره انځور وړاندې کوي.