د افغانستان لپاره د ښځو ټولنې (WFA) په اماراتو کې یوه مهمه غونډه ترسره کړه، څو د طالبانو تر واک لاندې د ښځو کړکېچن وضعیت وڅېړي.یاده غونډه د سې شنبې په ورځ، د چنګاښ ۳مه، ترسره شوې چې پکې د ښځو مشران، دیپلوماتان او نړیوال فعالان راټول شوي وو ترڅو د افغان مېرمنو د حقونو د سیستماتیک سرغړونې په اړه بحث وکړي.د افغانستان لپاره د ښځو ټولنې له سیمهییزو هېوادونو وغوښتل چې د خپلو دیپلوماتیکو اړیکو له لارې طالبان دې ته وهڅوي چې د ښځو اساسي حقونه مراعت کړي.دغه بنسټ په غونډه کې یو شمېر عملي وړاندیزونه هم وکړل، چې په کې د ښځو د زدهکړې، روغتیایي خدمتونو او کاري فرصتونو ته د آسانې لاسرسۍ لارې شاملې وې.د غونډې په پای کې، ګډونوالو د نړیوالې ټولنې پر بېړني او همغږي ګام ټینګار وکړ او د افغان ښځو د دوامدار ملاتړ غوښتنه وکړه. دوی وویل، نن افغان ښځې له ټولنیزو، ښوونيز او اقتصادي جوړښتونو څخه تر بل هر وخت زیاتې منزوي شوې دي.
په افغانستان کې د کورنیو سرپرستې ښځې؛ له کار کولو محرومې او د شپې ډوډۍ په اندېښنه کې
راپور ورکوونکې: صالحه امیري ماهګل د هرات ولایت د انجیل ولسوالۍ اوسېدونکې ده. وروسته له هغه چې د هغې مېړه...
Read more

