هه‌نگاو: په ایران کې په روان کال کې لږترلږه ۴۰ افغانان اعدام شوي دي

د هه‌نگاو د بشري حقونو سازمان په خپل تازه راپور کې ويلي چې د ۲۰۲۵ کال په لومړيو شپږو مياشتو کې لږترلږه ۴۰ افغان اتباع په ايران کې اعدام شوي دي.د هه‌نگاو د شمېرنو له مخې، له جنورۍ تر جون ۲۰۲۵ پورې په ايران کې لږترلږه ۶۱۷ اعدامونه ثبت شوي چې پکې ۴۰ يې د افغانستان اتباع دي.دغه راپور وايي چې ايران ډېر کله د اعدام شويو کسانو په اړه رسمي معلومات نه خپروي او يوازې شپږ سلنه پېښې رسماً اعلانېږي. هه‌نگاو ټینګار کړی چې ډېری اعدامونه په پټه او د بنديانو له کورنيو پرته د خبرولو ترسره کېږي.د اعدام شويو افغانانو د جرمونو په اړه کره جزئيات نه‌دي خپاره شوي، خو د تېر کالونو له مخې ډېری يې له نشه‌يي توکو يا د ناقانونه اوسېدو له تورونو سره تړلي دي.هه‌نگاو د افغان بنديانو د قانوني وضعيت، عادلانه محاکمو او په پلټنو او محکمو کې د وکيل او ژباړن نشتوالي په اړه ژوره اندېښنه څرګنده کړې ده.دغه سازمان له نړيوالو بنسټونو غوښتي چې په ايران کې د اعدامونو د څپې، په ځانګړې توګه د بهرنيانو او افغانانو د اعدام مخنيوي لپاره پر ايران فشار زيات کړي.