طالبان: يوازې په يوه ورځ کې له درې زرو ډېرو افغان کورنيو هېواد ته ستانه شوي دي.

د طالبانو تر واک لاندې باختر خبري اژانس خبر ورکړی چې يوازې پرون (۱۱ د چنګاښ) په ورځ کې ۳۱۱۶ افغان کورنۍ له ګاونډيو هېوادونو څخه افغانستان ته راستانه شوي دي.ددې اژانس په راپور کې ويل شوي چې د دغو کورنيو د راستنېدو لارې په لاندې ډول وې:۱۱۶ کورنۍ د ننګرهار د تورخم له لارې۴۶ کورنۍ د کندهار د سپين بولدک له لارې۸۶۰ کورنۍ د نيمروز د پُل ابريشم له لارې۲۰۹۴ کورنۍ د هرات د اسلام‌قلعه له لارېد طالبانو چارواکو ويلي چې دغو کورنيو ته د اړوندو ادارو او نړيوالو همکارانو له لوري بېړنۍ مرستې ورکړل شوې دي، خو دا يې نه دي ويلي چې کوم ډول خدمتونه ورته برابر شوي او د دوی اوسنی حالت څه ډول دی.له دې وړاندې ملګرو ملتونو ويلي وو چې يوازې د ۲۰۲۵ کال د جون په مياشت کې له ايران څخه له ۱۶۰ زرو ډېرو کسانو د اسلام‌قلعه له لارې افغانستان ته ستنيدلي دي او ځينو ورځو کې د راستنېدونکو شمېر تر ۲۰ زرو کسانو هم اوښتی دی.د راپورونو له مخې، د دغو کسانو په منځ کې له ۵ زرو زيات هغه ماشومان هم شامل دي چې بې له ملګرو يا له کورنۍ پيژندل شوي دي.