۳۵۰ افغان زده‌کوونکي د علامه اقبال د بورسیې په ترڅ کې پاکستان ته ورسېدل

د «علامه محمد اقبال» د لوړو زده‌کړو بورسونه د پروګرام په چوکاټ کې شاوخوا ۳۵۰ افغان زده‌کوونکي د بېلابېلو څانګو د لوړو زده‌کړو لپاره پاکستان ته رسېدلي دي.دا بورسیې د پاکستان د لوړو زده‌کړو کمیسیون (HEC) له خوا د دواړو هېوادونو ترمنځ د علمي همکاریو د پراختیا په موخه برابر شوی دی.د دغه کمیسیون د رسمي خبرپاڼې پر بنسټ، له دې زده‌کوونکو سره په پېښور ښار کې د HEC په سیمه‌ییز دفتر کې د ځانګړي مراسمو په ترڅ کې هرکلی شوی دی. په دغو مراسمو کې د اسلام‌اباد د ملي ټکنالوژۍ پوهنتون او د فیصل‌اباد د کمپیوټر ساینس او نوې ټکنالوجۍ پوهنتون استازو هم ګډون کړی و.ټاکل شوې چې دا زده‌کوونکي د ځانګړي چمتووالي کورس له بشپړولو وروسته د روان کال د منی سمسټر څخه د پاکستان بېلابېلو پوهنتونونو ته لاړ شي.په څنګ کې، ۵۰ دکتورا او ۱۰۰ ماسټري افغان زده‌کوونکي هم د ۲۰۲۵ کال د سپټمبر په میاشت کې دې پروګرام سره یوځای کېږي.د پاکستان د لوړو زده‌کړو د کمیسیون چارواکو په وینا، د علامه محمد اقبال بورسونو پروګرام د پاکستان له لوري د افغانستان لپاره له سترو ښوونیزو پروژو څخه دی چې په چوکاټ کې یې په ټوله کې ۴۵۰۰ بورسونه افغان زده‌کوونکو ته ځانګړي شوي دي.جهانزیب خان، د دې پروګرام مدیر، په خپله وینا کې ویلي: «موږ ویاړو چې د افغانستان دا ځوان سفیران په خپل هېواد کې منو. د دوی شتون نه یوازې زموږ پوهنتونونو ته علمي بډاینه ورکوي، بلکې د دواړو ملتونو فرهنګي او ستراتېژیکې اړیکې هم پیاوړې کوي.»پاکستاني چارواکي وایي چې دا نوښت د خلکو له خلکو سره اړیکو د ټینګښت او د اسلامي ورورولۍ او ګاونډیتوب په روحیه کې ترسره شوی دی.