ملګري ملتونه: طالبان دې د ښځو زورزیاتی بس کړي

د ملګرو ملتونو عمومي غونډې په ډیری ډاډمن توګه سره یوه پرېکړه‌ليک تصویب کړ چې په هغې کې له طالبانو غوښتنه شوې چې پر ښځو او نجونو د زورزیاتي لړۍ ودروي او خپلې ټولې اړیکې له ترهګرو ډلو لکه القاعده او داعش سره پرې کړي.دا پرېکړه‌ليک د دوشنبې په ورځ، د چنګاښ په ۱۶مه د ۱۱۶ موافقو، دوو مخالفو (متحده ایالاتو او اسرائیل) او ۱۲ ممتنعو رایو (په کې روسیه، چین، هند او ایران شامل دي) سره تصویب شو.یاد پرېکړه‌ليک چې آلمان وړاندې کړی و، په افغانستان کې د اقتصادي بیا رغونې، پراختیا او پرمختګ لپاره د فرصتونو پر برابرولو ټینګار کوي او له مرسته کوونکو هېوادونو غواړي چې د افغانستان له سخت بشري او اقتصادي کړکېچه سره بېړنۍ مرسته وکړي.آنتیه لیندرتسه، د آلمان دایمي استازې په ملګرو ملتونو کې، د پرېکړه‌ليک د وړاندې کولو پر مهال وویل چې د دوی هېواد او ډېر نور هېوادونه په افغانستان کې د بشري حقونو پراخو سرغړونو، په ځانګړې توګه د ښځو او نجونو د حقونو نږدې بشپړه له منځه وړل، ژور اندېښمن کړي دي.یادونه باید وشي چې له هغه وخته چې طالبان په ۲۰۲۱ کې بیا واک ته رسېدلي، نجونې له منځنۍ او لوړې زده‌کړې بې‌برخې شوې دي، ښځې له ډېری کاري او ټولنیزو ډګرونو ایستل شوې دي او د اساسي ازادیو په وړاندې سخت بندیزونو وضع شوي دي.په پرېکړه‌ليک کې همدارنګه له د ملګرو ملتونو له سرمنشي غوښتنه شوې چې د افغانستان د وضعیت د څارنې لپاره ځانګړی همغږی کوونکی وټاکي څو نړیوال تعامل په یوه جوړښتي، همغږي او اغېزمنه بڼه پرمخ بوزي.متحده ایالاتو چې دې پرېکړه‌ليک ته یې منفي رایه ورکړه، یو دلیل یې دا یاد کړ چې په دې سند کې د طالبانو له «ډارونکې کړنې» سره سره له هغوی سره د تعامل او نوره مرستې غوښتنه شوې چې دا د دوی د اصلي مسئولیت اخیستنې سره په ټکر کې ده.سره له دې نیوکو، د پرېکړه‌ليک اصلي پیغام د میلیونونو افغان ښځو او نجونو، هغو میندو چې خپل ناروغ ماشومان په غیږ کې لري، او هغو کورنیو ته چې د ترهګرۍ او ناامنۍ قرباني شوي دي، دا دی: «تاسې هېر شوي نه یاست.»