یوه میلیارد افغانی بېړنۍ مرسته د عزیزي بنسټ له خوا له ایرانه راستنېدونکو کډوالو ته ځانګړې شوه

د افغان کډوالو له اړیګړ حالت سره په غبرګون کې، چې په زور له ایرانه ایستل شوي دي، میرویس عزیزي، د عزیزي ګروپ عمومي مشر، د رامنځته شوي وضعیت له امله د خواشینۍ څرګندولو ترڅنګ له عزیزي بنسټ څخه د یوه میلیارد افغانیو بېړنۍ مرستې منظوري ورکړې ده.نوموړي د دې بنسټ ټیم ته امر کړی چې سمدستي هرات ولایت ته سفر وکړي او اړمنو کورنیو ته د دغو مرستو د وېش لړۍ پیل کړي.دا پرېکړه په داسې حال کې شوې چې د کډوالو د بېرته راستنېدو لویه څپه لا هم روانه ده.د رسمي راپورونو له مخې، یوازې په وروستیو ورځو کې زرګونه کورنۍ د بېلابېلو پولو لکه تورخم، اسلام‌قلعه، سپین بولدک، پل ابریشم او انگور اډه له لارې افغانستان ته راستنې شوي دي.شمیرو ښوولې چې دغه راستنېدونکي له سختې د خوړو، سرپناه او روغتیایي خدمتونو کمښت سره مخ دي او بېړنۍ مرستې ته اړتیا لري.عزیزي بنسټ ویلي چې له دې ګام سره غواړي د دغو زیانمنو کډوالو یو څه لومړنۍ اړتیاوې پوره کړي او د هغوی په کړاوونو کمولو کې برخه واخلي.