د بشري حقونو فعالان: نسیمه سادات او د هغې ۱۳ کلنه لور له پاکستانه د جبري شړلو په جدي خطر کې دي

یو شمېر د بشري حقونو فعالانو په اسلام‌اباد کې د ښځو د حقونو د مدافع نسیمه سادات د نیول کېدو په اړه ژوره اندېښنه څرګنده کړې ده.د دغو فعالانو په وینا، نسیمه سادات وروسته له هغه چې د طالبانو له زندانه خوشې شوه، د خپلې ۱۳ کلنې لور د ژوند د ژغورلو لپاره چې د جبري واده ګواښ سره مخ وه، پاکستان ته ولاړه. خو د شنبې په ورځ (۱۲ جولای) د اسلام‌اباد پولیسو هغه له خپلو ماشومانو سره یوځای نیولې او د حاجي کمپ ته یې لېږدولې ده؛ هغه ځای چې ډېری وخت کډوال تر شړل کېدو مخکې ورته استول کېږي.دغه فعالانو خبرداری ورکړی چې که نسیمه سادات افغانستان ته ستنه کړل شي، د هغې او د هغې د لور ژوند به په جدي توګه له ګواښ سره مخ شي.هغوی له نړیوالو بنسټونو، ملګرو ملتونو او سفارت‌خانو غوښتي چې د دې مور او لور د شړلو د مخنیوي لپاره بېړنۍ هڅې وکړي.په یوه خپاره شوي بیان کې ویل شوي: «موږ له ټولو د بشري حقونو مدافع بنسټونو او د کډوالو له سازمانونو غواړو چې د نسیمې سادات او د هغې د کوچنۍ لور د ژغورلو لپاره لاس په کار شي. د هغې ایستل په حقیقت کې د ښځو د حقونو د یوې فعالې بېرته زور زیاتي ځای ته ستنول دي.»نسیمه سادات د افغانستان په شمال کې د ماشومانو ودونو په وړاندې د مبارزې یو پېژندل شوی څېره ده چې پخوا د خپلو فعالیتونو له امله د طالبانو له خوا نیول شوې وه.