سارا ګوهري په ایران کې بې له عدلي حکم نه نیول شوې ده

د ایراني رسنیو د راپورونو له مخې، سارا ګوهري چې د افغانستان تبعه او په تهران پوهنتون کې د ټولنپوهني پوهنځي زده کړیاله ده، د چنګاښ په ۱۵مه د تایباد پولې ته د سفر پر مهال د ایران د اسلامي جمهوریت د امنیتي ځواکونو له لوري نیول شوې او نامعلوم ځای ته لېږدول شوې ده.یوې باخبرې سرچینې چې دا معلومات د سارا ګوهري خپلوانو ته رسولې ویلي، هغه د ایران د اطلاعاتو وزارت له لوري نیول شوې ده.سارا ګوهري له نیول کېدو مخکې په خپل انسټاګرام کې لیکلي وو چې غواړي د کډوالو افغانانو د وضعیت په اړه د یوه خپلواکه څېړنې لپاره تایباد پولې ته ولاړه شي او د خلکو کیسې ټولې کړي.نزدې لس ورځې وروسته لا هم د هغې کورنۍ د سارا د ساتلو ځای، روغتیایي وضعیت او د نیونې د دلیل په اړه هېڅ معلومات نه لري.د کورنۍ ډېرې هڅې هم تر دې دمه بې پایلې پاتې دي.د خپرو شوو معلوماتو له مخې، سارا ګوهري پرته له عدلي حکم او رسمي خبرتیا نیول شوې ده.دغه پېښه د ایران کې د افغان ټولنیزو فعالانو او کډوالو د امنیت په اړه اندېښنې نورې هم زیاتې کړې دي.