دریم کال پرله‌پسې د نجونو حذف کېدل د ۱۴۰۴ کانکور پایلې اعلان شوې

د طالبانو تر واک لاندې د ملي ازموینو ادارې نن یکشنبه د چنګاښ په ۲۹مه د ۱۴۰۴ کال د کانکور پایلې اعلان کړې ديد رسمي شمېرې له مخې سږکال له ۱۵۴ زره او ۸۰۰ ګډونوالو څخه ۸۱ زره او ۱۸۱ تنه په لوړو او نیمه لوړو زده‌کړو کې بریالي شوي ديسره له دې چې په عمومي کانکور کې د بریا کچه ۶۹ سلنه اعلان شوې ده خو نجونې دریم کال پرله‌پسې د دې ازموینې له ګډون څخه بې برخې پاتې شوې ديعبدالباقي حقاني چې د طالبانو د ازموینو د ادارې مشر دی د پایلو د اعلان په مراسمو کې ویلي چې د لوړو زده‌کړو موسسو د جذب ظرفیت سږکال ۷۷ زره او د نیمه لوړو موسسو ۳۴ زره دیهغه زیاته کړې چې په دیني علومو کې ۵۹ سلنه په شپېني پروګرام کې ۹۹ سلنه او په ۱۴ پاس (تخنیکي او مسلکي) پروګرامونو کې ۵۳ سلنه ګډونوال بریالي شوي ديسید موسی د داوود سادات زوی د ۳۵۶ نیمې نمرې په اخیستلو سره د سږني عمومي کانکور لومړی مقام خپل کړی دیهغه د کابل د پامیر نوین شخصي لېسې فارغ دی او د کابل طبي پوهنتون د درملنې پوهنځي ته بریالی شوی دیهمدارنګه محمد نذیر له کابله د ۳۵۶ نمرې په اخیستلو سره دویم حمزه له کابله د ۳۵۳ نمرې په اخیستلو سره درېیم عظمت‌الله له کابله د ۳۵۳ نمرې په اخیستلو سره څلورم او واکمن له کابله د ۳۵۳ نمرې په اخیستلو سره پنځم اعلان شوي ديدا په داسې حال کې ده چې له پایلو سره هم‌مهاله د نجونو له زده‌کړو او کانکور څخه محرومیت لا هم د نړیوالو بنسټونو له خوا د بشري حقونو د جدي نقض په توګه یادیږي