په تهران کې یوه افغانه مېرمن له درې ماشومان سره په بې رحمۍ سره وژل شوي دي

د هه‌نگاو د بشرحقونو سازمان راپور ورکړی چې یوه ځوانه افغانه ښځه له خپلو درې کوچنیو ماشومانو سره په تهران کې وژل شوي دي.د راپور له مخې، د دغې کورنۍ مړي د تهران په مرتضی‌ګرډ سیمه کې په یوه استوګنیز کور کې موندل شوي دي او شواهد ښيي چې دا د یوې کورنۍ خونړۍ وژنه ده.ویل شوي چې دغه ښځه مخکې د تخار ولایت اوسېدونکې وه او د ناامنیو د تېښتې لپاره له خپلو دوو زامنو او یوې لور سره ایران ته کډه شوې وه. څو ورځې مخکې یې مړي په ناوړه حالت کې په خپل کور کې موندل شوي دي.هه‌نگاو ویلي چې ښځه په چاقو ووهل شوه او ماشومان یې د خپکۍ له امله مړه شوي دي.ګاونډیانو د کور څخه د خرابې بوی راپور ورکړ او پولیسو ته یې خبر ورکړ، پولیسو وروسته کور ته ور ننوتل او مړي یې وموندل.دغه پېښه د زمري په ۳مه کشف شوه او د وژنې وخت شاوخوا یوه هفته مخکې اټکل شوې ده.راپور وايي چې دغه ښځه تازه له یوه سړي چې نوم یې «نصرالله» دی، سره نامزد شوې وه، خو نصرالله د پېښې وروسته په مشکوک ډول ورک شوی دی.د معلوماتو له مخې، نصرالله مخکې د افغانستان د پخواني حکومت په پولیسو کې کار کاوه او د وژنې وروسته د قربانیانو له کور څخه سره له پیسو او ګاڼو تښتېدلی دی.دغه سازمان د افغان کډوالو او ښځو د بې‌سرپناهۍ په اړه ژوره اندېښنه څرګنده کړې او د مسؤولینو څخه یې غوښتي چې دا پېښه جدي وڅېړي او عاملین دې قانون ته وسپاري.تر دې دمه د ایران رسمي چارواکو په دې اړه کوم رسمي غبرګون نه دی ښودلی.