سارا گوهري، افغانه زده کړیاله، د ایران د استخباراتو له‌خوا د “نظام ضد تبلیغ” په تور زنداني شوې

د ایران استخباراتي ادارې یوه افغان زده کړیاله نجلۍ، سارا گوهري، د کډوالو وضعیت په اړه د څېړنیزې پروژې پر مهال نیولې ده. نوموړې اوس‌مهال د خراسان ولایت په تربت‌جام زندان کې ساتل کېږي.د راپورونو له مخې، سارا لومړی د ایران د استخباراتو له‌خوا تر سختو څیړنو لاندې ونیول شوه او بیا یې څه موده په انفرادي توقیف کې تېره کړه. وروسته له هغې، د “نظام ضد تبلیغ” په تور تورنه شوه او د محبس عمومي بند ته ولیږل شوه.سارا گوهري د پوهنتون زده کړیاله ده او د کډوالو او بې‌سرنوشته وګړو په اړه یې یو علمي څیړنه کوله. د بشري حقونو مدافعین وایي، دا نیونه بې‌بنسټه او ناقانونه ده.د دې پېښې د جزئیاتو په اړه لا زیات معلومات نه‌دي خپاره شوي، خو د کډوالو د وضعیت د څار ادارې او د افغان کډوالو ټولنې د دې زده کړیالې د خلاصون غوښتنه کړې ده.