یونیسف: په بدخشان کې له ۱۶۵ زرو څخه ډېر ماشومان د سختې خوارځواکۍ له ګواښ سره مخ دي

د ملګرو ملتونو د ماشومانو د ملاتړ صندوق (یونیسف) خبر ورکړی چې په بدخشان ولایت کې، چې د افغانستان له محرومو سیمو ګڼل کېږي، سږ کال له ۱۶۵ زرو څخه زیات ماشومان او ۹۳ زره حامله او شیدې ورکوونکې ښځې د سختې خوارځواکۍ له خطر سره مخ دي.یونیسف ویلي، لږ تر لږه یو پر پنځم برخه دا ماشومان بیړني او ژغورونکي درملنې ته اړتیا لري.د دې سازمان د معلوماتو له مخې،  بيوزلي ډيرښت، د بیلابیلو خوړو کمښت، روغتیايي خدماتو ته محدود لاسرسی، او پر ښځو د کار او زده‌کړو سخت بندیزونه د خوارځواکۍ د پراخېدو اصلي عوامل دي، نه یوازې په بدخشان بلکې د افغانستان په شمالي او ختیځو ولایتونو کې همدارنګه دي.د دې ستونزې د حل لپاره، یونیسف له ۲۰۲۲م کال راهیسې د خوارځواکۍ د مخنیوي یوه پروژه پلې کړې چې تر ۲۰۲۶ پورې به دوام وکړي. دا پروژه ۱۳ ولایتونه، په شمول د بدخشان، تر پوښښ لاندې راولي.فرزانه چې په فیض‌آباد ولسوالۍ کې روغتیايي کارکوونکې ده، وایي: «موږ ميندو ته د پخلي پر مهال ښیو چې مستې، ترکاري او پروټين د ماشومانو د ودې لپاره حیاتي دي. ډېرې کورنۍ اوس زده کړي چې څنګه ارزانه خو مغذي خواړه چمتو کړي.»یونیسف په خپل راپور کې ټینګار کړی چې د ميندو روغتیا، له ځوانۍ تر امیندوارۍ پورې، د راتلونکو نسلونو د خوارځواکۍ د مخنیوي لپاره اساسي رول لري.دا مهال له ۱.۵ میلیونه ماشومانو تر پنځو کلونو لاندې، ۱.۱ میلیونه نجلۍ تنکۍ ځوانۍ کې، او شاوخوا نیم میلیون حامله او نویو میندو ته خدمات وړاندې کېږي.سره له دې، یونیسف خبرداری ورکړی چې که د خوارځواکۍ د اوږدمهاله کمولو لپاره نوره مالي مرسته، روغتیايي خدماتو ته بشپړ لاسرسی، او د ښځو پر فعالیتونو لګیدلي بندیزونه لیرې نه شي، دا بحران به دوام ومومي.