په ترکیه کې مېشتو افغان فرهنګیانو د بیدل د مړینې کلیزه په استانبول کې ولمانځله

په ترکیه کې د لومړي ځل لپاره، په استانبول ښار کې مېشتو یو شمېر افغان شاعرانو، لیکوالانو او فرهنګیانو د ستر عارف او د هندي سبک مخکښ شاعر میرزا عبدالقادر بیدل د مړینې کلیزه ولمانځله.دا مراسم د بیدل د وفات د ۳۱۴مې کلیزې په مناسبت د «سخن» فرهنګي انجمن، د ترکیې د لیکوالانو ټولنې، د بیدل مینه‌والو ټولنې، او د استانبول د مدنیت پوهنتون د حافظ څېړنیز مرکز په همکارۍ، د دغه ښار په یوه فرهنګي تالار کې ترسره شو.د مراسمو تنظیموونکو په یوه خپره شوې بیانیه کې ویلي، د دې پروګرام موخه د بیدل عرفاني میراث ژوندی ساتل، او د اوسني نسل له فکري ژورو لایه‌وو سره د بیدل د افکارو نښلول دي.دغه ناسته کې پر څو مهمو موضوعګانو بحث وشو، لکه:د بیدل د شعرونو پر ترکي ادبیاتو اغېزد هندي سبک او عثماني شعري دودونو پرتله د بیدل په آثارو کې د ادبي ترکیبونو تحلیل همداراز، د بیدل د ځینو اشعارو منځپانګه تحلیل، د “عجز” موضوع په بیدلي شعر کې وڅېړل شوه، او د هغه د غزلیاتو څو برخې ولوستل شوې. د دې ترڅنګ، د موسیقۍ اجرایې برخې د مراسمو فضا لا پسې رنګینه کړې وه.ګډونوالو دغه غونډه د فرهنګي تعامل، ادبي پوهاوي او د سیمې د عرفاني ګډ میراث د بیا راژوندي کولو یوه ارزښتمنه موقع بللې ده.