په کابل کې ۱۳ کسان د قمار او نشه‌يي توکو د قاچاق په تور وهل شوي

د طالبانو سترې محکمې ويلي، چې د کابل ولایت د میربچه‌کوټ ولسوالۍ کې ۱۳ تنه د «شریعت خلاف اعمالو» له امله وهلي دي.په خبرپاڼه کې چې د زمري نهمه، پنج‌شنبه خپره شوې، ویل شوي چې دا کسان د قماربازۍ او نشه‌يي توکو د قاچاق په تور نیول شوي او سزا ورکړل شوې ده.د محکمې د څرګندونو له مخې، اووه تنه تورن کسان د لومړۍ محکمې له خوا له اته میاشتو تر یوه کال حبس ته محکوم شوي، او شپږ نور بیا د ۱۵ تر ۳۰ دورو وهلو سزا ترلاسه کړې ده.طالب چارواکي وایي دا سزاوې د «شریعت احکامو» له مخې او د قضیې تر څېړنې وروسته عملي شوي دي.له هغه را وروسته چې طالبان د ۲۰۲۱ کال په اګست کې بیا واک ته ورسیدل، عام محضر کې دورو، سنګسار او د غړیو پرېکولو په څېر سختې سزاوې یو ځل بیا عملي شوي دي.د مدني ټولنې یو بنسټ وايي، د قضايي بهیر د نه روڼتيا او د متهمانو د حقونو د نقض له امله ژوره اندېښنه شته.ملګرو ملتونو او د بشري حقونو دفاعي ډلو څو ځل د فزیکي سزاګانو د درولو او د طالبانو تر واک لاندې د محاکمو د بیاکتنې غوښتنه کړې ده.