د غور یو بل مرموز قتل؛ ۱۸ کلن ځوان په ډزو وژل شوی

د غور ولایت له قانونه لرې او مشکوکو وژنو د لړۍ په دوام، سیمه‌ییزو سرچینو خبر ورکړی چې یو ۱۸ کلن ځوان د الله‌یار په نوې جوړې شوې ولسوالۍ کې په ډزو وژل شوی دی.د دوو سیمه‌ییزو سرچینو په وینا، صبغت‌الله حیدري چې د بادغیس ولایت د جوند ولسوالۍ د تخنل جلایی کلي اوسېدونکی و، د وسله‌والو نامعلومو کسانو له‌خوا تښتول شوی و او د پنج‌شنبې په ورځ (۹ د زمري) شاوخوا د مازدیګر څلور بجې د الله‌یار ولسوالۍ د دره‌ آسیاب کلي ته نېږدې په ډزو وژل شوی دی.عاملین له پېښې وروسته له سیمې تښتېدلي دي.سرچینې راوي زن ته ویلي چې دغه ځوان له هېڅ ډلې سره تړاو نه درلود او له هېڅ چا سره یې شخصي دښمني نه وه.د برید کوونکو هویت او انګېزه لا تر اوسه نه‌ده روښانه شوې. طالبانو هم تر اوسه په دې اړه څه نه‌دي ویلي.دا په الله‌یار ولسوالۍ کې د یوې اوونۍ په ترڅ کې درېیم مرموز قتل دی. له دې پېښې دوه ورځې مخکې، یو پخوانی د ملي امنیت افسر له یوه بل کس سره، چې دوه ځله د طالبانو له‌خوا نیول شوی و، هم په همدې ولسوالۍ کې ووژل شو.په غور کې د موخه ییز او له قانوني لرې وژنو زیاتېدل د خلکو اندېښنې د ناامنۍ او د حاکمو ادارو د ځواب‌ وینې د کمزورۍ په اړه زیاتې کړي دي.