په تهران کې د يوه افغان ښځې او مېړه جسد د يو دوکان په تکاوي کې وموندل شو

په ايران کې ځينو خبري سرچينو راپور ورکړی چې د تهران په ختيځ کې د «قيام‌دشت» په سيمه کې د يوه افغان ځوان زوج جسد موندل شوی دی.د رکنا خبري اژانس د راپور له مخې، دا پېښه د يکشنبې ماښام (۱۲ د زمري) هغه وخت څرګنده شوه کله چې پوليسو د دغه ښځې او سړي جسد د يو دوکان په تکاوي کې پيدا کړ. پوليسو ويلي چې دواړه بې وضاحت دننه شوي وو او هلته د برښنا يوه موټر هم روښانه و.لومړنۍ پلټنې ښيي چې دغه زوج ښايي د ګاز د نشت يا د موټرې د لوګي له امله وژل شوي وي، خو پوليس وايي د وژنې امکان هم رد شوی نه دی. له همدې امله، د قضايي څارنوال لخوا د جنايي پوليسو ته لارښوونه شوې چې د دوکان مالک ونيول شي او په اړه يې څیړنه وشي.د دغو دواړو جسدونه دقيقو پلټنو لپاره عدليې ته لېږدول شوي او د مرګ اصلي علت په اړه څېړنې روانې دي. هغه مشکوک کس هم اوس د تهران د څیړنو پوليسو تر لاس لاندې دی.دا پېښه داسې مهال پېښېږي چې د افغان کډوالو له ايران څخه د ایستلو کچه زياته شوې او په تېرو څو اوونيو کې په دغه هېواد کې څو مشکوکې مرګونې پیښې ثبت شوي دي.څو ورځې وړاندې هم د يوه ښځينه کډوال جسد د خپلو ماشومانو سره په تهران کې په يوې ودانۍ کې موندل شوی و.