د ملګرو ملتونو خبرداری: طالبان د عدلي نظام نه د ښځو د ځپلو لپاره کار اخلي

ریچارډ بېنټ، د افغانستان لپاره د ملګرو ملتونو ځانګړي راپور ورکوونکي، د دې سازمان عمومي ناسته ته په خپل تازه راپور کې ویلي، چې طالبان د عدلي نظام نه په منظم ډول د ښځو او نجونو د زورزیاتي لپاره ګټه اخلي.د اسوشیتدپرس د راپور له مخې، بېنټ ویلي، د طالبانو چلند له ښځو سره کېدای شي د “بشریت پر ضد جنایت” وبلل شي.هغه یادونه کړې، چې له ۲۰۲۱ کال راپدېخوا طالبانو د ۲۰۰۴ کال اساسي قانون او هغه قوانین چې د ښځو د حقونو ملاتړ کاوه، لغوه کړي، په شمول د “د ښځو پر ضد د تاوتریخوالي د مخنیوي قانون” چې تر شلو ډېرو پېښو ته لکه جنسي تېری، جبري ودونه، او د ماشومانو ودونه جزا ټاکلې وه.د راپور پر بنسټ، طالبانو نږدې ۲۷۰ ښځینه قاضیانې له دندو ګوښه کړي او پر ځای یې داسې نارینه ګمارلي، چې نه قانوني زده‌کړې لري او نه تجربه، بلکې یوازې د طالبانو د امرونو پر اساس پرېکړې کوي.بېنټ ویلي، په اوسني عدلي نظام کې هیڅ ښځه د قاضي، وکیل یا څارنوال په توګه فعالیت نه لري، چې دا چارې د ښځو لپاره د عدالت تر لاسه کولو لاره بنده کړې ده.هغه همداراز له دې هم اندېښنه ښودلې، چې طالبان پر عدلي او څیړنې بنسټونو بشپړ تسلط لري، د ماشومانو محکمې او د اصلاح مراکز یې ختم کړي، او د پخواني حکومت د کارکوونکو سیستماتیکه لرې کولو ته دوام ورکړی.یو بل اندېښمنوونکی شرط د ښځو لپاره د محرم نارینه شتون دی، کله چې هغوی محاکمو یا ادارو ته ورځي. دا شرط، له ښځو په ځانګړې توګه بې‌سرپرستو، کونډو، معلولینو او کډوالو سره لوی خنډونه رامنځته کړي.راپور زیاتوي، چې د طالبانو په محاکمو کې فضا له ښځو سره د ښځو پر ضد توګه ده، او ډيري قضیې چې له کورني تاوتریخوالي، طلاق، یا د ماشومانو حضانت سره تړاو لري، له پامه غورځول کېږي.ریچارډ بېنټ له نړیوالې ټولنې غوښتي، چې په مقابل کې دې جدي، مؤثر او عاجل ګامونه واخلي.