ملګرو ملتونو: د افغان ښځو او نجونو ژوند په غیررسمي مېشت ځایونو کې سخت دی

د ملګرو ملتونو د اسکان پروګرام په افغانستان کې په یوه تازه راپور کې د کابل او نورو ښارونو په غیررسمي مېشت ځایونو کې د ښځو او نجونو د ژوند ستونزې راڅرګندې کړې دي.دغه نړیواله اداره ټینګار کړی چې د اوبو، برښنا او روغتیايي خدماتو له نشتوالي له امله، ښځې او نجونې په دې سیمو کې له جدي ننګونو سره مخ دي.راپور ښيي چې نږدې ۴۰ سلنه د کابل ښاري وګړي په غیررسمي مېشت ځایونو کې ژوند کوي چې زیاتره یې کورته ستانه شوي کسان دي او له ګڼو ستونزو سره مخامخ دي.همدارنګه، د اقلیم بدلون او د کافي مرستو نشتوالي د دغو خلکو حالت لا پسې خرابولی شي، نو د بیړنیو مرستو غوښتنه شوې ده.ملګرو ملتونو بیا ځل پر دې ټینګار کړی چې د ښځو او نجونو ځانګړې اړتیاوې باید جدي ونیول شي او نړیواله ټولنه او مسؤل ادارې دې د هغوی د ژوند د ښه والي لپاره ګډې هڅې وکړي.په یاد ولرئ چې په افغانستان کې د ښارونو د نفوس یوه لویه برخه، په ځانګړې توګه کابل کې، په دغو غیررسمي مېشت ځایونو کې ژوند کوي چې د لومړنیو خدماتو لکه اوبو، برښنا او روغتیايي اسانتیاوو له کموالي سره مخ دي. د ښځو او نجونو ژوند په دې شرایطو کې ځانګړې ستونزې لري او بیړنۍ پاملرنه غواړي.