د افغانستان انارشېستي جبهه د طالبانو د څلور کلنې واکمنۍ غندنه وکړه

د افغانستان انارشېستي جبهې د طالبانو د واکمنۍ د څلورمې کالنۍ په مناسبت یوه اعلامیه خپره کړه او د دې ډلې واکمني یې «خونړۍ او د جرمونو او ځپنې ډکه» بللې ده، او د مقاومت او د ازادۍ غوښتنې پر اهمیت ټینګار کړی دی.په اعلامیه کې راغلي چې د طالبانو څلور کلنه واکمني په ټول هېواد کې د بې‌وزلۍ، بیکارۍ، لوږې او د خلکو د سرکوب سره مل وه.انارشېستي جبهه طالبان تورن کړي چې د سوداګرو، کروندګرو، کارګرانو او موټرچلوونکو نه د بیلابیلو لارو باج اخلي او دا د «مالیاتو»، «عشر» یا «زکات» په نوم پلی کوي.اعلامیه زیاتوي چې د طالبانو د «امر بالمعروف» ځواکونه ښځې له بازارونو تښتولې او په ځینو برخو کې یې ښځې د طالبانو د جنګیالیو سره جبري نکاح ته اړولې دي. د زده‌کړې، کار او حتی تر ټولو کوچنۍ شخصي ازادي حقونه له ښځو څخه اخیستل شوي دي.انارشېستي جبهه ټینګار کړی چې طالبان د خلکو د پراخې سرکوب او د هر مخالف غږ په چوپتیا اړولو سره ټولنه په ویرېدلي حالت کې ساتي، او هغه امنیت چې دوی یې ادعا کوي په حقیقت کې «د ژوند، ازادۍ او انساني کرامت سلب دی».په پای کې، جبهه د ښځو اعتراضونو او مدني خوځښتونو ملاتړ کړی او ویلي یې دي چې ازادي نه د واکمنانو نه، او نه د نړیوالو قدرتونو له لارې، بلکې د خلکو د مقاومت، همغږۍ او پاڅون له لارې ترلاسه کېږي.