د بخښنې نړیوال سازمان: د طالبانو قضايي نظام ناعادلانه او غیرشفاف دی

له دې وروسته چې طالبان په افغانستان کې واکمن شوي، ګڼ شمېر نړیوالو بنسټونو په وار وار د بشري حقونو د وضعیت او د دغه ډلې د قضايي نظام د څرنګوالي په اړه خبرداری ورکړی دی.د ګڼو راپورونو له مخې، محاکمې ډېری وخت د تړلو دروازو تر شا او پرته له دې چې د قانوني اصولو درناوی وشي ترسره کېږي، او بدني سزاوې لکه د درو وهل د شخصي تعصبونو له مخې عملي کېږي.بخښنې نړیوال سازمان په خپل تازه راپور کې اعلان کړی دی چې د طالبانو قضايي سیستم په افغانستان کې بې‌ثبات، غیرشفاف او ناعادلانه دی.دغه سازمان د زمري په ۲۶مه، د افغان حقوقي کارپوهانو په اندونو په اشارې سره ویلي دي چې د طالبانو محاکمې ډېری وخت خپل‌سري وي او د قانوني معیارونو پرته ترسره کېږي.یو افغان قاضي چې په جلاوطنۍ کې ژوند کوي، بخښنې نړیوال سازمان ته ویلي دي چې طالبان نه د پخواني حکومت له اساسي قانون څخه کار اخلي او نه د نړیوالو قوانینو له اصولو څخه په محاکمو کې پیروي کوي. همدارنګه، تورن کسان له مدافع وکیل ته له لاسرسي محروم دي.یو د بشري حقونو مدافع هم یادونه کړې ده چې طالبان نه یوازې نړیوال قوانین له پامه غورځوي، بلکې هغه د بهرني لاسوهنې د وسیلې په توګه ګڼي.بخښنې نړیوال سازمان د دې بهیر پر وړاندې په نیوکه کې ټینګار کړی او د طالبانو د صحرایي محاکمو د سمدستي درولو او په افغانستان کې د عادلانه او روڼتيا سره قضايي نظام د جوړولو غوښتنه کړې ده.