حامد کرزی: د نجونو زده‌کړه د افغانستان د خپلواکۍ او ملي ځواک بنسټ دی

د افغانستان پخواني ولسمشر حامد کرزي د ۲۸ زمري، د هېواد د خپلواکۍ د کلیزې په مناسبت یو پیغام خپور کړی او ټینګار یې کړی چې د نجونو او هلکانو زده‌کړه د افغانستان د خپلواکۍ او پرمختګ اساسي شرط دی.کرزي په خپل پیغام کې لیکلي چې د افغانستان ازادي او خپلواکي هغه وخت خوندي کېږي چې هېواد یو روزل شوی بشري ځواک ولري، او دا موخه یوازې د ټولو افغانو ماشومانو د برابرې زده‌کړې په برابرولو ترلاسه کېدای شي.هغه د افغانانو د تاریخي مبارزو یادونه وکړه او ویې ویل چې د دې ستر میراث ساتل د ملي یووالي، د خلکو ترمنځ د تفاهم، او د ځوان نسل لپاره د زده‌کړې او تخصص د فرصتونو په برابرولو کې نغښتی دی.کرزي ټینګار کړی چې افغانستان به هغه وخت دایمي سولې او ریښتینې ثبات ته ورسېږي چې د دې هېواد ټول وګړي، په ځانګړي ډول نجونې، د زده‌کړې له حق څخه محروم نه وي او وکولای شي د هېواد د روښانه راتلونکي په جوړولو کې ونډه واخلي.یادونه ده چې له کله نه چې طالبان په اګست ۲۰۲۱ کې پر افغانستان واکمن شوي، د شپږم ټولګي پورته د نجونو زده‌کړې یې بندې کړې دي. دا پرېکړه د طالبانو له تر ټولو جنجالي اقداماتو څخه بلل کېږي چې پراخ کورني او نړیوال غبرګونونه یې راپارولي دي، خو لا هم میلیونونه افغانې نجونې له زده‌کړې محرومې پاتې دي.