د «ارغواني شنبې» خوځښت: د اسلام‌اباد ناسته د ښځو د ملاتړ او پر طالبانو د فشار لپاره یوه موقع ده

د افغانستان د معترضو ښځو له لوري جوړ شوی د «ارغواني شنبې» خوځښت د «د یووالي او باور پر لور» تر عنوان لاندې له هغې ناستې سره په تړاو اعلامیه خپره کړې، چې په اسلام‌اباد، پاکستان کې د یو شمېر افغان سیاسي او مدني فعالانو په ګډون ترسره شوې ده.په اعلامیه کې ټینګار شوی چې یاده ناسته کولای شي د افغانستان د خلکو، په ځانګړې توګه د ښځو، زیانمنو قومونو او مذهبي لږکیو د ملاتړ او پر طالبانو د اغېزناک فشار راوړلو لپاره یوه مناسبه موقع وي.په دې اعلامیه کې درې اساسي ټکي روښانه شوي دي:۱. د افغانستان د ملي ګټو ساتنهخوځښت څرګنده کړې چې هر ډول سیمه‌ییز بدلونونه او د افغانستان اړوند ناستې باید د دغه هېواد د ملي ګټو په لړ کې وي او هېڅ پرېکړه د خلکو له حقونو سره په ټکر کې نه وي.۲. د تاوتریخوالي کمول او د متقابل باور پیاوړتیاد خوځښت غړو پر دې ټینګار کړی چې تاریخي دښمنۍ او تقابلي لیدلوري باید پای ته ورسېږي. دوی له ګډونوالو غوښتي چې د پاکستان حکومت دې پر دې وهڅوي، څو د طالبانو ملاتړ پای ته ورسوي او په افغانستان کې د ښځو پر وړاندې د تبعیضي چلند غندنه وکړي.۳. د پاکستان خلکو مننه او د افغان کډوالو ملاتړخوځښت د پاکستان له خلکو مننه کړې چې د کلونو لپاره یې میلیونونه افغان کډوالو کوربه توب یې کړی. دوی له ګډونوالو غوښتي چې پر پاکستان فشار واچوي څو د افغان کډوالو اجباري ایستل، په ځانګړې توګه د هغو کسانو چې ژوند یې له ګواښ سره مخ دی، ودروي.د «ارغواني شنبې» خوځښت په پای کې ټینګار کړی چې د ښځو د حقونو څیړل او ټولنیز عدالت د دوی د هڅو اساسي محور پاتې کېږي.