د ننګرهار په هسکې مېنه کې د يو سړي مړی وموندل شو

ځايي سرچينې په ننګرهار ولايت کې وايي چې د دې ولايت د هسکې مېنې ولسوالۍ په يوې غرنۍ سیمه کې د يو سړي مړی موندل شوی دی.د سرچينو په وينا، نن سهار (دوشنبه، د وږي ۳مه) د «ده‌بالا» کلي اوسېدونکو د دغه سړي مړی په يوه غرني ځای کې پيدا کړ.هغوی زياتوي چې د سړي پر بدن د وهلو ډبولو او د چاړې د ټپونو نښې ښکاري، چې ښيي نوموړی تر وژل کېدو وړاندې وهل شوی او زورزیاتی ورسره شوی دی.د کلي اوسېدونکي رسنيو ته وايي، مړی د وينو په حالت کې او په بده وضعيت کې په غر کې پراته وو، چې د خلکو د اندېښنې لامل شوی دی.په همدې حال کې، د طالبانو د ننګرهار امنيې قوماندانۍ د مړي موندل تأييد کړی، خو ادعا کوي چې ياد سړی له يوې ونې لوېدلی او د هغې له امله ټپي شوی او ژوند يې له لاسه ورکړی دی.خو د ځايي خلکو روايتونه او د طالبانو څرګندونې يو له بل سره توپير لري او د نوموړي د مړينې پر څرنګوالي نورې ابهامونه رامنځته کوي.اوسېدونکي وايي چې د پېښې د رښتينولۍ د معلومولو لپاره جدي او هر اړخيزې څېړنې ته اړتيا ده.