طالبان یو سړی او یوه ښځه په غور کې په عام محضر کې په دورې ووهل

د غور ولایت د ساغر ولسوالۍ طالبانو بیا یو سړی او یوه ښځه د نامشروع اړیکو په تور په عام محضر کې په دورې ووهل.شاهدان وايي، دا حکم د ځایي خلکو او مقاماتو په حضور کې د ساغر د ابتدایي محکمې له خوا عملي شو. دواړه متهمان ۳۰ کلن دي او هر یو ته د ۳۹ دورو سزا ورکړل شوې.د دواړو متهمانو یوه کورنۍ غړي ویلي، دوی پرته له قانوني څېړنو او په واهیو تورونو په عام محضر کې سزا ورکړل شوه، حال دا چې محکمې هېڅ ثبوت نه درلود.دا د تېرو ۲۴ ساعتونو په ترڅ کې دویم ځل دی چې طالبان په عام محضر تورن کسانو ته سزاوې ورکوي. پرون هم پنځه کسان، په شمول دوه ښځې، د فساد او نامشروع اړیکو په تور په فیروزکوه ورزشي سټیډیم کې په دورې وهل شوي وو.