د هند لومړی وزیر د افغانستان د زلزلې قربانیانو سره خواخوږی څرګند کړ

نرندرا مودي، د هند لومړي وزیر، د ختیځ افغانستان د مرګونې زلزلې له قربانیانو او د هغوی له کورنیو سره خواخوږي څرګنده کړه او د خپل هېواد چمتووالی یې د زیانمنو کسانو د مرستې لپاره اعلان کړ.مودي د دوشنبې په ورځ، د وږي په ۱۰مه، په ټولنیزه شبکه «اېکس» کې لیکلي چې د افغانستان د زلزلې له امله د پراخو تلفاتو خبر یې ژور اغیزمن کړی دی.هغه زیاته کړې: «هند د افغانستان د خلکو ترڅنګ ولاړ دی او چمتو دی چې د زیانمنو کسانو د کړاو کمولو لپاره هر ډول بشردوستانه مرسته او ملاتړ برابر کړي.»دغه زلزله د یکشنبې په ماښام د کنړ، ننګرهار، نورستان او لغمان پراخې سیمې ولړزولې چې تر اوسه سلګونه کسان مړه، زرګونه ټپیان او بې‌کور شوي دي.د هند د لومړي وزیر دغه پیغام په داسې حال کې خپور شوی چې نړیوالو سازمانونو هم د بیړنیو مرستو لېږد پیل کړی دی.کارپوهان خبرداری ورکوي چې د زیانونو او قربانیانو شمېر ښايي لا ډېر شي. هند په تیرو کلونو کې هم د افغانستان د بشري کړکیچونو او طبیعي پېښو پر مهال مرستې برابرې کړي او اوس یې یو ځل بیا خپل تړون د افغانستان د خلکو ملاتړ لپاره تکرار کړی دی.