کابل څه ناڅه قوي زلزلې ولړزاوه

سرچینې وایي، لږ شېبې وړاندې په کابل ښار کې يوه څه ناڅه قوي زلزله راغله او ښار یې ولړزاوه.د عیني شاهدانو په وینا، دا پېښه نن سه‌شنبه (د وږي ۱۱مه) د مازیګر شاوخوا پنځو بجو په مهال رامنځته شوه او ګڼ شمېر اوسېدونکي له خپلو کورونو او دفترونو څخه بهر وتلي دي.تر اوسه د دې زلزلې د تلفاتو او مالي زیانونو په اړه کوم راپور نه دی خپور شوی او مسوول ادارو هم جزئیات نه دي وړاندې کړي.کابل په وروستیو ورځو کې، د ختیځو ولایتونو له وژونکي زلزلې سره په یو وخت، د څو لړزو شاهد پاتې شوی چې د ښار د اوسېدونکو اندېښنې یې زیاتې کړې دي.