اروپايي ټولنې د افغانستان زلزله‌ځپلو ته د یو میلیون یورو بیړنۍ مرسته ځانګړې وکړه

اروپايي ټولنې اعلان کړی چې د افغانستان د وروستۍ زلزلې له امله د اغېزمنو شویو خلکو د مرستې لپاره یې یو میلیون یورو بیړنی بشري بودیجه ځانګړې کړې ده.د اروپايي کمېسیون په اعلامیه کې ویل شوي چې دا مرسته د هغو بشردوستانه شریکانو له لارې لګول کېږي چې همدا اوس په سیمه کې فعال دي او موخه یې د زلزله‌ځپلو خلکو عاجلو اړتیاوو ته رسېدنه ده.سربېره پر دې، شاوخوا ۱۳۰ ټنه بیړنۍ مرستندویه توکي هم د اروپايي ټولنې له بشري زېرمو څخه افغانستان ته لېږل کېږي.یاد توکي په خېمو او نورو سرپناوو، کالیو، طبي وسایلو او د اوبو د تصفیې اړینو توکو شامل دي.اروپايي ټولنې همداراز د «کوپرنیک» سپوږمکۍ خدمات فعاله کړي، څو د زلزله‌ځپلو سیمو عاجلې نقشې برابري کړي او د مرستو د لېږد بهیر اسانه کړي.د اروپايي کمېسیون په وینا، دغه نقشې به د مرستندویو ډلو ترمنځ د همغږۍ په پیاوړتیا او د مرستو په چټکه وېش کې مرسته وکړي.