د بشري حقونو شورا خپله شپږمه رسمي غونډه د افغانستان پر محور ترسره کوي

د ملګرو ملتونو د بشري حقونو شورا اعلان کړی چې د دې شورا شپږمه رسمي غونډه به د ۲۰۲۵ کال د سپتمبر له ۸مې تر د اکتوبر تر ۸مې د ملګرو ملتونو په مرکزي دفتر، جنیوا کې ترسره شي.یوناما د دوشنبې په ورځ (د وږي ۱۷مه) په خپره شوې اعلامیه کې ویلي چې په دې غونډه کې به د بېلابېلو هېوادونو د بشري حقونو وضعیت تر بحث لاندې ونیول شي چې افغانستان به د بحث له اصلي محورونو څخه وي.د اعلامیې له مخې، د غونډې په لومړۍ ورځ یعنې د سپتمبر په ۸مه، د افغانستان د وضعیت په اړه ځانګړې او رغنده ناسته ترسره کېږي.دغه بحث به د جنیوا پر وخت د ماښام له ۵:۳۰ بجو تر ۸:۳۰ بجو پورې دوام وکړي او تمرکز به یې پر هغو جدي بشري ننګونو وي چې افغانستان ورسره مخ دی، په ځانګړي ډول پر ښځو او نجونو د حقونو بندیزونو، مدني ازادۍ او د اقلیتونو وضعیت.د بشري حقونو شورا له حکومتونو، نړیوالو بنسټونو او مدني ټولنې غوښتي چې په دې غونډه کې فعاله ونډه واخلي او خپلې لیدنې او وړاندیزونه د افغانستان د بشري وضعیت د ښه کېدو لپاره وړاندې کړي.نړیوال کارپوهان وايي چې د دغسې غونډو ترسره کېدل کولای شي پر طالبانو نړیوال فشارونه زیات کړي او د افغانانو لپاره د نړیوال ملاتړ د جلبولو زمینه برابره کړي.