د روغتيا نړيوال سازمان: د ختیځ افغانستان نږدې نیم میلیون زلزله‌ ځپلو لپاره عاجلې روغتیايي مرستې ته اړتیا لري

د نړیوال روغتیا سازمان (WHO) اعلان کړی چې د ختیځو ولایتونو وروستیو زلزلې وروسته، سلګونه زره اوسېدونکي د ژر او عاجلو روغتیايي خدماتو کمښت سره مخ دي او عاجلې مرستې ته اړتیا لري.د دغه سازمان د سه شنبې، د وږي ۱۸مه) خپور شوي راپور له مخې، لږ تر لږه ۴۹۸,۱۳۰ کسان په زیان‌منو سیمو کې عاجلې روغتیايي مرستې ته اړ دي.په دې شمېر کې شاوخوا ۱۱,۶۰۰ حامله ښځې شاملې دي چې د روغتیايي امکاناتو نشتوالي له امله وضعیت یې اندېښمن کونکی ګڼل شوی دی.نړیوال روغتیا سازمان خبرداری ورکړی چې د زیږیدو او میندنې د خدماتو په وړاندې خنډونه، لږ تر لږه ۱۵٪ حامله ښځې د جدي زیانونو خطر سره مخ کولی شي.دغه سازمان ویلي چې د روغتیايي امکاناتو نشتوالی او محدود لاسرسی کولای شي د میندو او نویو زیږېدلو ماشومانو د مړینې کچه لوړه کړي.راپور کې زیات شوي چې د ښځو ترڅنګ، زرګونه ماشومان، مشران او زیان‌من کسان هم د دې طبیعي پېښې له پایلو سره مخ دي او عاجلې روغتیايي مرستې ته اړتیا لري.نړیوال روغتیا سازمان ټینګار کړی چې د دې سازمان روغتیايي ډلې په همکارۍ له نورو بنسټونو سره هڅه کوي چې عاجلې خدمات، لکه د ټپيانو درملنه، واکسیناسیون، د مور او ماشوم پاملرنه او رواني ملاتړ په زیان‌منو سیمو کې وړاندې کړي.یادونه شوې چې وروستۍ زلزلې په ختیځ افغانستان کې پراخ زیانونه رامنځته کړي، ډېر کورونه ویجاړ شوي او زرګونه کورنۍ بې‌سرپناه پاتې شوي دي. د ژوندانه ستونزې، د خوړو کمښت او د صحي خدماتو نشتوالی د زلزله‌ځپلو کسانو لپاره یو له جدي ننګونو څخه ګرځېدلی دی.