په جرمني کې مېشت مدني فعالان: د افغانستان وضعیت کورنۍ مسله نه، بلکې نړیواله اندېښنه او مسوولیت دی.

د افغانستان لپاره د بشري حقونو په برخه کې د ملګرو ملتونو د ځانګړي استازي سفرونه دوام لري؛ دا ځل ریچارډ بینیټ په آلمان کې د میشتو افغان مدني ټولنو له غړو سره وکتل او خبرې یې وکړې. د ښاغلي بینیټ په وینا، په دې کتنه کې د افغانستان د مسلو په اړه د جرمني د بهرنۍ پالیسۍ او د ملګرو ملتونو د سازمان په اړه خبرې وشوې. په جرمني کې مېشتو افغان مدني فعالانو ویلي: د افغانستان وضعیت کورنۍ مسله نه، بلکې یوه نړیواله اندېښنه او مسوولیت دی او نړۍ باید په دې حساسو شرایطو کې افغانستان په ځانګړې توګه ښځې یوازې پرې نه ږدي. دوی له ریچارډ بینیټ څخه وغوښتل چې په افغانستان کې د ښځو د ژوند ناوړه وضعیت ته په پام سره د شته محدودیتونو په منعکسولو کې لا جدي عمل وکړي.
دا په داسې حال کې ده، چې تر دې وړاندې ښاغلي بېنټ د جرمني د بهرنیو چارو له وزیرې انالینا بربک سره هم د افغانستان پر مسئلې خبرې کړې وې. د آلمان د بهرنیو چارو وزیر ویلي دي چې له افغانانو سره یې د هیواد پیوستون «نه ماتیدونکی» دی او برلین به تل د افغانانو له حقونو څخه دفاع وکړي.