فوزیه کوفي: د نجونو د زده‌کړې څلور کلنه محرومیت د افغانستان ټولنه او اقتصاد ویجاړ کړ

نن د پنجشنبې په ورځ، ۲۷ د وږي، فوزیه کوفي د ښځو د حقونو فعاله او د افغانستان د ولسي جرګې پخوانۍ غړې وویل چې د نجونو د زده‌کړې څلور کلن بندیز د افغانستان د ټولنې او اقتصاد لپاره تباه کوونکي پایلې لرلي.په ۱۷ سپتمبر ۲۰۲۱ کال کې طالبانو لومړنی فرمان صادر کړ چې له مخې یې د شپږم ټولګي پورته نجونې له ښوونځیو محرومې شوې. اوس، څلور کاله وروسته، د دغه پرېکړې منفي اغېزې د هېواد پر نسل ځوانو نجونو خورا درنې بلل کېږي.کوفي زیاته کړې: «میلیونونه افغان نجونې د ژوند د طلایي فرصتونو او روښانه راتلونکي څخه بې‌برخې شوې. دا پرېکړه یوازې د یوې نسل برخلیک نه دی تباه کړی، بلکې د افغانستان ټولنه او اقتصاد یې هم له ژور بحران سره مخ کړی.»فعالان وایي چې د زده‌کړې مخنیوی د زرګونو نجونو ژوند بې‌موخې کړی، ډېرې یې له تعلیم محرومې او په کورونو کې ناستې پاتې دي. له دې سره د رواني فشارونو څپه پراخه شوې، د خپګان، نا‌هیلي او ځان‌وژنې پېښې زیاتې شوي دي.سربېره پر دې، په وروستیو څلورو کلونو کې د اجباري او کم عمر ودونو کچه هم لوړه شوې. ډېرې کورنۍ، چې د خپلو لوڼو لپاره د زده‌کړې او کار هیڅ راتلونکی نه ویني، هغوی په زوره د ودونو ته اړ باسي.د نړیوال بانک د معلوماتو له مخې، د ښځو او نجونو له زده‌کړې او کاره محرومیت هر کال د افغانستان اقتصاد ته له ۱.۵ میلیارده ډالرو څخه زیات زیان اړوي. دا په داسې حال کې ده چې د هېواد اقتصاد له وړاندې هم په شکننده حالت کې و.فوزیه کوفي په خپله وینا کې ویلي: «دا ټولې ناورین د څه لپاره؟ یوازې د دې لپاره چې یوه افراطي ډله د هر قیمت په بدل کې واک وساتي، که څه هم نسلونه قرباني شي. او نړۍ، تر اوسه د دې ستر ظلم پر وړاندې چوپ پاتې ده.»د ښځو په باور، که دا وضعیت همداسې روان پاتې شي، د یوې بشپړې نسل د نابودۍ ترڅنګ به د بې‌وزلۍ، بې‌سوادۍ او افراط‌ پالنې خطرونه هم نور زیات شي.