یوې افغانې ښځې د نه خوړلو اعتصاب پیل کړ

په جرمني کې یوې افغانې ښځې په افغانستان کې د جنسیتي تبعیض په رسمیت پېژندلو او د طالبانو د سیاستونو پر ضد د نه خوړلو اعتصاب کړی.
تمنا زرياب پريانې له دې امله د نه خوړو اعتصاب پيل کړ، چې له تېرو دوو کلونو راهيسې د طالبانو تر واک لاندې ښځې شکنجه کېږي او د جنسيت له امله له بشري حقونو بې برخې دي.
مېرمن پریاني چې د جمعې په ورځ (د سلواغې ۱۰مه) له دولسو ورځو راهیسې د نه خوړلو په اعتصاب بوخته ده، ویلي چې په افغانستان کې “جنسي توپیر” شته او نړیواله ټولنه په ځانګړې توګه جرمني باید د طالبانو جنسیتي توپیر په رسمیت وپېژني.
نوموړي همدا راز د جرمني د حکومت او طالبانو ترمنځ د هر ډول خبرو د بندولو غوښتنه وکړه.
د مالي ملاتړ بندول او د طالب چارواکو پر سفرونو بندیز او همدارنګه د طالبانو له زندانونو د سیاسي بندیانو خلاصون د مېرمن پیراني نورې غوښتنې دي.
تر دې وړاندې د افغانستان لپاره د ملګرو ملتونو ځانګړي استازي، د بشري حقونو د څار ادارې د ښځو د څانګې مرستیالې او یو شمېر نورو ملي او نړیوالو بنسټونو او شخصیتونو په افغانستان کې د ښځو پر وړاندې د جدي او دوامداره جنسیتي تبعیض د موجودیت په اړه خبرداری ورکړی و.