د ښځو لپاره درې ورځنی روزنیز ورکشاپ جوړ شو

په کابل کې د ملګرو ملتونو د پرمختیايي پروګرام (UNDP) دفتر له خوا د ۲۵ ښځینه متشبثینو لپاره درې ورځنی روزنیز ورکشاپ جوړ شو.
د ملګرو ملتونو پراختیايي پروګرام (UNDP) په ایکس ټولنیزه شبکه کې لیکلي، چې په دغه روزنیز ورکشاپ کې د کابل، وردګو او پروان ولایتونو څخه ۲۵ مېرمنې ګډون کوي.
دا میرمنې به د بړنډ جوړولو میتودونو، آنلاین اعلاناتو او په انټرنیټ کې د محصولاتو پلورلو په برخه کې وروزل شي.
د UNDP دفتر دا ورکشاپ په داسې حال کې په لاره اچوي چې په افغانستان کې له تېرو دوو کلونو راهیسې ښځې په تدریجي ډول له کار او ټولنیزو فعالیتونو لیرې ساتل کېږي او په دې وروستیو کې طالبانو په سینګارتوننو کې د ښځو پر کار کولو بندیز ولګاوه.