د المپيک ملي کمېټې په اسيايي لوبو کې د ښځينه ورزشکارانو ګډون رد کړ

د افغانستان د المپیک ملي کمیټې د طالبانو تر مدیریت لاندې اسیايي سیالیو ته د افغان ښځینه ورزشکارانو له استولو ډډه کړې ده.
د طالبانو تر مدیریت لاندې د افغانستان د المپیک د ملي کمېټې مشر د چهارشنبې په ورځ (چهارشنبه د سنبلې ۱۵مه) د رویټرز خبري اژانس د راپور په ردولو سره وویل چې د افغانستان ۱۳۳ ورزشکاران به په اسیايي سیالیو کې ګډون وکړي، خو د هغه په ​​وينا، ښځينه ورزشکارانې به حاضرې نه شي.
رویټرز خبري اژانس (چهارشنبه سهار د سلواغې ۱۵مه) د المپیک د ملي کمېټې له خوا د خپرې شوې اعلامیې په حواله راپور ورکړ چې افغانستان به ۱۷ ښځینه ورزشکارانې اسیايي سیالیو ته ولیږي.
په داسې حال کې چې د دې کمېټې مشر احمدالله وثیق وايي چې دوی دا ډول اعلامیه نه ده خپره کړې. په تېرو دوو کلونو کې طالبانو ښځو او نجونو ته په سپورتي سیالیو کې د ګډون اجازه نه ورکوله او د دوی په امر یې د ښځو او نجونو پر وړاندې ورزشي کلبونه هم تړلي وو.