نانسي پلوسي د امریکا سیاسي کمپاین ته بیرته راستنیږي

د امریکا د استازو جرګې پخوانۍ مشرې نانسي پلوسي اعلان وکړ چې غواړي په راتلونکو انتخاباتو کې د ولسي جرګې د غړیتوب لپاره یو ځل بیا ځان کاندید کړي. پلوسي، چې لومړنۍ ښځه او د ایټالوي نژاد لومړنی کس دی چې د متحده ایالاتو د استازو جرګې رییسه شوه، تیر کال د جرګې د رییس او په کانګرس کې د دیموکرات ګوند د مشر په توګه استعفا ورکړه.
د کالیفورنیا دغه ۸۳ کلنه استازی په ایکس ټولنیزه شبکه کې لیکلي: “متحده ایالات باید نړۍ ته وښيي چې زموږ بیرغ لاهم د ټولو لپاره د آزادۍ او عدالت شعار سره شتون لري.
هغه زیاته کړه: “له همدې امله زه بیا ټاکنو ته ځان کاندیدوم او په درنښت ستاسو رایه غواړم.”
نانسي پلوسي په ۲۰۰۶ کال کې په لومړي پړاو کې د استازو د جرګې مشره شوه او په ۲۰۱۸ کال کې بیا دغه مقام ته وټاکل شوه.
نوموړی له ۱۳۶۶ کال راهیسې د امریکا د استازو جرګې غړی دی. د جورج ډبلیو بوش د ولسمشرۍ پر مهال یې عراق ته د امریکايي ځواکونو له استولو سره مخالفت وکړ او د ډونالډ ټرمپ د ولسمشرۍ پر مهال یې د امریکا پر پولو د اغزن تار لګولو په ګډون څو ځله خپلې تګلارې ننګولې.