طالبان د پنجشیر د نجونو د سواد زده‌ کړې ټولګي لغوه کړي دي

باور وړ سرچینو راوي زن ته تأیید کړې چې طالبان په پنجشیر ولایت کې د نجونو د سواد زده‌ کړې ټولګي لغوه کړي دي.د دغو سرچینو په وینا، د پوهنې ریاست په پنجشیر کې دا امر صادر کړی او له مخې یې له پنځو څخه زیات سواد زده‌ کړې ټولګي تړل شوي دي.همداراز، هغه ښوونکي چې په دغو ټولګیو کې یې تدریس کاوه، له دندو لرې او ګوښه شوي دي.له بلې خوا، یوه مسلکي لېسه چې په بېلو وختونو کې یې د نجونو او هلکانو لپاره درسونه تنظیمول، هم تړل شوې ده.یادونه کېږي چې دا د سواد زده‌ کړې ټولګي له پخواني حکومت راهیسې فعال وو او ښځو ته یې زده‌ کړې ورکولې.طالبان د ۲۰۲۱ کال د اګست له واکمنېدو وروسته، د شپږم ټولګي پورته د نجونو ښوونځي او پوهنتونونه هم د ښځو او نجونو پر مخ تړلي دي.