پاکستان په یوه ورځ کې له لس زرو زیات افغان کډوال ایستلي دي

د طالبانو د کډوالو چارو عالي کمېسیون خبر ورکړی چې پاکستان په یوه ورځ کې ۱۰۲۵۳ افغان کډوال ایستلي دي.دغه کمېسیون نن (پنجشنبه، د لړم ۲۲مه) ویلي چې یاد کډوال پرون ایستل شوي او د هېواد له پولو څخه بېرته دننه شوي دي.همدارنګه، له ایران څخه هم ۳۸۴ افغان کډوال په اجباري او اختیاري ډول هېواد ته راستانه شوي دي.یادونه کېږي چې دا کډوال د تورخم، سپین بولډک، بهرامچې، اسلام قلعه او د پل ابریشم له پولو افغانستان ته راستانه شوي دي.دا په داسې حال کې ده چې پرون یو شمېر افغان کډوالو په پاکستان کې په یوه پرانیستې لیک کې له شهباز شریف، د پاکستان له لومړي وزیر، غوښتي وو چې د افغان کډوالو د ایستلو لړۍ ودروي.هغوی ویلي چې که بېرته افغانستان ته ستانه شي، د ژوند جدي خطر به ورسره وي.په دې لیک کې راغلي وو: «موږ له د پاکستان له حکومت غوښتنه کوو چې د هغو افغانانو د ایستلو پرېکړه وځنډوي یا لغوه کړي چې د امریکا د بیا میشتېدو په بهیر کې شامل دي، ځکه بېرته تګ زموږ د ژوند او آزادۍ لپاره مستقیم ګواښ دی.»د دې لیک لاسلیک کوونکو له د پاکستان حکومت او د امریکا له سفارت غوښتنه کړې چې د افغان کډوالو د دوسیو د څېړلو بهیر ګړندی کړي، څو دغه کسان له نامعلوم برخلیک څخه خلاص او په یوه خوندي هېواد کې پناه ترلاسه کړي.