په پروان ولايت کې يوې نجلۍ ځان وژنه کړې ده

په پروان ولایت کې یوې سرچینې روي زن رسنۍ ته ویلي، چې یوې ځوانې نجلۍ د ټوپک په ډزو خپل ژوند یې پای ته ورساوه. سرچينې د نوم نه ښودو په شرط راوي زن ته وويل، چې تېره ورځ (يکشنبه، ٢٦ سنبله) د پروان ولايت د سياه ګرد ولسوالۍ په “قول خول” کلي کې يوې ځوانې نجلۍ ځان په ډزو وژلى دى.
ویل کیږي چې دغه نجلۍ شل کلنه وه.
په دې ولایت کې طالب سرچینو تر اوسه په دې اړه څه نه دي ویلي.
په تېرو دوو کلونو کې په افغانستان کې د ښځو او نجونو د ځان وژنې د پېښو زیاتوالی د اندېښنې وړ بلل شوی دی.
د ښځو د شکایتونو د ثبتولو لپاره د رسمي چارواکو نشتوالې او په افغانستان کې د طالبانو له خوا پر ښځو د پراخو او دوامداره محدودیتونو لګول د ښځو ژوند ستونزمن کړی دی.