جیلاني: پاکستان په افغانستان کې د بشري حقونو وضعیت او د ښځو د حقونو اړوند مسایل څاري

د پاکستان د بهرنیو چارو وزیر وايي، هېواد یې په افغانستان کې د بشري حقونو د وضعیت په ځانګړې توګه د نجونو د تعلیم او روزنې او همدارنګه د ښځو د کار په اړه د نړیوالې ټولنې اندېښنې شریکوي.
هغه ویلي دي چې له طالبانو سره خبرې به د اجباري اقداماتو په پرتله ښې پایلې ولري.
د پاکستان د بهرنیو چارو موقت وزیر جلیل عباس جیلاني په نیویارک کې د اسیا د ټولنې په غونډه کې وویل چې پاکستان د بشري حقونو په ځانګړي ډول په افغانستان کې د ښځو د حقونو په برخه کې له نړیوالې ټولنې سره موافق دی.
دغه پاکستاني دیپلومات ویلي چې اسلام اباد په افغانستان کې د ښځو پر وړاندې د محدودیتونو د لیرې کولو لپاره له طالبانو سره خبرو ته دوام ورکوي.
هغه له نړيوالې ټولنې وغوښتل چې له افغانستان سره خپلې مرستې د سياسي ملحوظاتو له مخې ونکړي.
دا څرګندونې په داسې حال کې کیږي چې پاکستان له څه مودې راهیسې په افغانستان کې د طالبانو د ډلې په ملاتړ تورن شوی دی، یوه مسله چې تل د دغه هیواد د حکومت له خوا رد شوې ده.