د ملګرو ملتونو د امنیت شورا په غونډه کې به د افغان ښځو وضعیت وڅېړل شي

د ملګرو ملتونو سرمنشي به امنیت شورا ته د افغانستان د وضعیت په ځانګړې توګه د طالبانو د واکمنۍ پر مهال د ښځو د وضعیت په اړه د تېرو درېیو میاشتو په ترڅ کې د دغه سازمان د موندنو په اړه نوی راپور وړاندې کړي.
په پام کې ده چې د افغانستان لپاره د ملګرو ملتونو ځانګړې استازې روزا اټونبایوا، په دغه سازمان کې د افغانستان د دایمي نمایندګۍ سرپرست نصیر احمد فایق او د ملګرو ملتونو د ښځو د څانګې مشره سیما باهوس هم د ملګرو ملتونو امنیت شورا ته خپل معلومات وړاندې کړي.
ټاکل شوې چې په دې غونډه کې نصیر احمد فایق د افغانستان د خلکو په استازیتوب ګډون او وینا وکړي.
تمه ده چې د طالبانو د واکمنۍ پر مهال د ښځو د ناوړه وضعیت په اړه د ملګرو ملتونو د بشري حقونو شورا، په افغانستان کې د ملګرو ملتونو د مرستندویه پلاوي (یوناما) او د افغانستان لپاره د ملګرو ملتونو د ځانګړي استازي د موندنو له مخې، د ملګرو ملتونو د امنیت شورا غونډه به د روښانه پایلې ولري.