طالبانو په غور کې د یوې مرستندویه موسسې شپږ ښځینه کارکوونکې خوشې کړې

طالبانو د «نړیوال مرستندویه ماموریت» مرستندویه موسسې شپږ کارکوونکي په ضمانت خوشي کړي دي. ویل کیږي چې ټول شپږ خوشي شوي کسان ښځې دي.
د غور ولایت سیمه ییزو سرچینو د پنجشنبې په ورځ (د غوایي ۱۳مه) وویل چې طالبانو د یوه امریکايي وګړي په ګډون د یوې مرستندویه موسسې شپږ ښځینه کارکوونکې خوشې کړې دي.
د نړيوال مرستندويه پلاوي (IAM) مرستندويه موسسې د سنبلې په ٢٤مه نېټه اعلان وکړ چې طالبانو د سنبلې په مياشت کې د دې ادارې اتلس کارکوونکي نيولي دي.
دې ادارې تایید کړې چې په نیول شویو کسانو کې لږ تر لږه یو بهرنی وګړی هم شامل دی.