د دوو ایراني ښځینه خبریالانو حکم صادر شو

دوه ښځینه خبریالانې چې د مهر امیني له وژل کېدو وروسته د ایران د ښځو د اعتراضونو په ترڅ کې نیول شوې وې، په څو کاله بند محکومې شوې دي.
د ایران رسنیو خبر ورکړی دی چې د اسلامي انقلاب د محکمې پنځلسمې څانګې د تورنو نیلوفر حامدي او الهه محمدي د دوسیې له څیړلو وروسته ټول دوه تورن کسان په دریو تورونو محکوم کړل او خپله پریکړه یې صادره کړه.
د محکمې د حکم له مخې الهه محمدي د امریکا له حکومت سره د همکارۍ په تور په شپږ کاله بند، د دغه هیواد د امنیت پر ضد د جنایتونو دسیسې په خاطر په پنځه کاله بند او د ایران د اسلامي جمهوریت پر ضد د تبلیغاتي فعالیتونو په خاطر په یو کال بند محکومه شوې ده.
نیلوفر حامدي هم د امریکا له حکومت سره د همکارۍ په تور په ۷ کاله بند، د هیواد د امنیت پر ضد د جرم د ترسره کولو په تور په ۵ کاله بند او د ایران اسلامی جمهوریت پر ضد د تبلیغ په تور په یو کال بند محکومه شوی ده.
د يادونې وړ ده، چې که د استيناف محکمې پرېکړه تصويب شي، تورن کسان به تر ټولو سخته سزا،الهه محمدي ته په شپږ کاله بند او نيلوفر حامددي ته په اووه کاله بند محکوم شي.