د ښځو د حقونو فعاله هدا خموش ادعا کوي چې یوه بله فعاله پریسا ازاده د طالبانو له خوا نیول شوی ده.
خموش نن د (اکتوبر۱۶مه) پر اېکس شبکې یا پخواني ټویټر د پریسا یو عکس خپور کړی او ورسره يې لیکلي دي، هغه پرون د طالبانو د استخباراتو له خوا نیول شوي او یو نامعلوم ځای ته وړل شوی ده.
خو اغلې خموش په دې اړه چې پریسا چیرته او څنګه نیول شوی جزیات نه دي ورکړي.
د طالبانو حکومت تراوسه د دې ادعا په اړه څه نه دي ویلي.
دا په داسې حال کې ده چې له اونیو راهیسې د ښځو د حقونو فعالانې ژولیا پارسي او زوی، ندا پرواني او خاوند يې او منیژه صدیقي د طالبانو په بند کې دي او د برخلیک په اړه هیڅ ډول معلومات نشته.
