ایراني دولتي رسنیو خبر ورکړی چې د ایران د خراسان رضوي ولایت د مرکز مشهد په بازارونو کې د افغانانو او نورو بهرنیو وګړو فعالیتونه منع شوي دي.
د مشهد د «شهرآرا» ورځپاڼې خبر ورکړی چې د دغه ښار چارواکو په مهالنیو بازارونو کې د افغانانو په ګډون د بهرنیو وګړو کار کول منع کړي دي.
د خراسان رضوي ولایت چارواکو یوازې په مشهد ښار کې د هغو افغانانو شمېر نږدې پنځه سوه زره ښودلی چې هلته د استوګنې اسناد لري.
تر دې مخکې د ایران په ځینو نورو ښارونو کې هم پر افغان وګړو ځینې محدودیتونه لګول شوي وو.
د یادونې ده چې د حکومتي شمېرو له مخې، ایران سږ کال څه باندې درې سوه زره افغان کډوال په جبري ډول له خپلې خاورې ایستلي دي
