د وینا آزادۍ مرکز: افغان خبریالان په ترکیه کې د ایستلو له ګواښ سره مخ دي

د وینا آزادۍ مرکز: افغان خبریالان په ترکیه کې د ایستلو له ګواښ سره مخ ديد وینا آزادۍ مرکز، چې په کاناډا کې مېشت دی، د کډوالو د چارو لپاره د ملګرو ملتونو عالي کمېشنرۍ ته په یوه رسمي لیک کې له ۵۰ افغان خبریالانو سره د ترکیې په ناوړه وضعیت اندېښنه ښودلې او د هغوی د احتمالي ایستلو د مخنیوي غوښتنه یې کړې ده.په لیک کې راغلي، له کله چې طالبان واک ته رسېدلي، لسګونه افغان خبریالان د امنیتي ګواښونو او د وینا آزادۍ د بندیزونو له امله له هېواده وتلي او ترکیې ته پناه وړې ده.دې مرکز ویلي، ۲۰ خبریالانو ته د ایستلو رسمي حکم ورکړل شوی او لس نور نه‌دي توانېدلي چې خپل قانوني اقامت تمدید کړي. دا حالت هغوی له رواني فشار، اقتصادي بې‌ثباتۍ او شخصي ناامنۍ سره مخ کړی دی.یاد مرکز خبرداری ورکړی چې د دې خبریالانو احتمالي ایستلو به د هغوی ژوند ته جدي ګواښ وي، ځکه چې دوی د طالبانو تر واک لاندې افغانستان ته نه‌شي ستنېدلی.