د افغانستان د خبریالانو مرکز: د غزني د «خوشحال» راډیو مسؤل مدیر سلیمان راحل درې میاشتې بند ته محکوم شود افغانستان د خبریالانو مرکز وايي چې سلیمان راحل، د غزني د «خوشحال» راډیو مسؤل مدیر، د طالبانو د ابتدایي محکمې له لوري په دغه ولایت کې درې میاشتې بند ته محکوم شوی دی.دغه سازمان نن ورځې (چهارشنبه، غبرګولي ٧ مه) خپره شوې اعلامیې له مخې، د غزني د ښار ابتدایي محکمه په یوه غیر علني ناسته کې چې د روان میاشتې په لومړۍ نېټه جوړه شوې وه، سلیمان راحل د «طالبانو پر ضد تبلیغاتو» په تور درې میاشتې بند ته محکوم کړ.ویل کېږي چې دغه حکم د دغه ولایت د استخباراتو د ادارې پر ادعاوو اساس صادر شوی دی. د افغانستان د خبریالانو د مرکز په راپور کې راغلي چې د استخباراتو اداره طالبان راحل د روان کال د ثور په ۱۵مه نیټه د هغه د فیسبوک ځینو وروستیو پوستونو په تړاو نیولی و، چې په کې یې د ټولنیزو ستونزو او د خلکو د اقتصادي بیوزلي د زیاتېدو په اړه لیکنې کړې وې.د افغانستان د خبریالانو د مرکز د ثبت شویو معلوماتو پر بنسټ، اوس مهال تر سلیمان راحل پرته لږ تر لږه ۱۳ نور خبریالان او یا د رسنیو نور کارکوونکي هم د طالبانو په بند کې دي.
پاکستان په یوه ورځ کې له لس زرو زیات افغان کډوال ایستلي دي
د طالبانو د کډوالو چارو عالي کمېسیون خبر ورکړی چې پاکستان په یوه ورځ کې ۱۰۲۵۳ افغان کډوال ایستلي دي.دغه...
Read more